Ads 468x60px

Tuesday, August 11, 2015

வண்ணம் கொண்டே வந்திடும் தூதே!


சின்னப் பூவாய்ச் சிரிக்கும் மொட்டாய்
மின்னல் கண்டே மிரண்ட பெண்ணும்
கன்னம் மிளிரக் கதைக்கக் கேட்டு
முன்னம் பார்த்த முகமோ என்றே
பின்னே மறைந்து பிரியம் கொண்டால்
 அன்றே அவனில் ஆழ்ந்த நினைவை
அழகாய்த் தொடுத்து அகத்தில் சூடிப்
பழகும் நிலவாய்ப் பவனி வந்தாள்
இனிய நிலவும் இதயம் நுழைந்து
கனவில் வருவேன் கவிதை கேட்பேன்
என்றே சொல்லி இமையைத் திறக்கும்.
உன்னை எழுப்பி உணர வைக்கும்
மலரின் மணமாய் மடலில் எழுத்தும்
மலர்ந்தே என்றன் மனதை இழுக்கும்
 காலைத் தென்றல் களிப்புடன் வருமோ?
சோலைப் பூவைச் சூடித் தருமோ?
ஆலைக் கரும்பாய் ஆனதென் உளமும்
ஓலை கண்டால் உயிர்க்கும் அதுவும்

கண்ணில் தெரியும் காதல் உருவாய்ப்
பெண்மை தன்னில் பிரியம் வளர்த்தாய்
எண்ணம் சுமந்தே என்னை நோக்கி
வண்ணம் கொண்டே வந்திடும் தூதே!


இன்னும் வாசிக்க... "வண்ணம் கொண்டே வந்திடும் தூதே!"
 

முதல் விருது

முதல் விருது
நன்றி மதுமதி

சகோதரர் தனசேகரன் கொடுத்த தங்கப் பேனா

அன்பின் பகிர்வு

அன்பின் பகிர்வு
செய்தாலி, ராதாராணி

இரண்டாம் விருது

இரண்டாம் விருது
நன்றி தோழர் விச்சு

தங்கை எஸ்தர் சபி அன்போடு கொடுத்தது

அன்பின் பகிர்வு

அன்பின் பகிர்வு
சகோதரி எஸ்தர் சபி