Ads 468x60px

Saturday, May 16, 2015

நினைவூஞ்சல் !


நினைவாற்றில் நீந்தவிட்டு நீயெங்குப் போனாய்?
எனைவருத்தும் காதலதை ஈந்தே - உனைநோக்கிக்
காத்திருக்கும் கண்ணில் கனவுண்டு! காட்சியில்லை!
பூத்திருக்கும் பூவெடுத்துப் போ!

இன்பக் கடலில் இதமாக நீந்தவிட்டுத்
துன்பம் துடைக்கின்றாய்த் தூயவனே! - இன்றென்
இதயத்தில் நீங்கா இடம்பிடித்தாய் என்றும்
உதயமென ஆவாய் உவந்து!

அழைக்காத நேரம் அலைபாயும் எண்ணம்
மழையில்லாக் கோடை வனமாய்! - பிழையேதோ
என்றேதான் போராடி இன்னுயிர் வாடிடும்!
குன்றாத் துயரைக் குறை!

கண்ணடிதான் பட்டதுவோ காரிகையின் கையெழுதும்
எண்ணத்தில் நின்றாடும் என்னவனே? - வண்ணமுற
வான்வெளியில் நான்பாடி வந்திடுவேன்! உன்னுடைய
தேன்மொழியில் நெஞ்சம் திளைத்து!

நினைவினில் எந்நாளும் நின்றாடும் காதல்
எனைஏதோ செய்கிறது இன்று - கனவினிலும்
உன்னுருவம்! காற்றினிலும் உன்வாசம்! கள்வனே
என்னுயிர் தன்னையே ஏந்து!
இன்னும் வாசிக்க... "நினைவூஞ்சல் !"
 

முதல் விருது

முதல் விருது
நன்றி மதுமதி

சகோதரர் தனசேகரன் கொடுத்த தங்கப் பேனா

அன்பின் பகிர்வு

அன்பின் பகிர்வு
செய்தாலி, ராதாராணி

இரண்டாம் விருது

இரண்டாம் விருது
நன்றி தோழர் விச்சு

தங்கை எஸ்தர் சபி அன்போடு கொடுத்தது

அன்பின் பகிர்வு

அன்பின் பகிர்வு
சகோதரி எஸ்தர் சபி