Ads 468x60px

Thursday, April 9, 2015

ஓடியே ஒளிவதும் தகுமோ?

தள்ளியே நின்று தன்னையே நோக்கிச்
        சாகசம் புரிந்தவன் யாரோ?
துள்ளியே ஓடும் மானினை ஒத்த
         சுந்தரி இவளது அகத்தை!
அள்ளியே அணைத்து அகத்தினில் சூடி
          அந்தியில் போனவன் பாதை
உள்ளமே நாட உறவினைத் தேட
         ஓடியே ஒளிவதும் தகுமோ?

 மனதினைக் கவர்ந்து மறைவினில் இருக்கும்
         மன்னவன் பெயரதும் அறியேன்!
கனவினைக் கொடுத்த கள்வனின் முகமே
         கரும்பென இனித்திடும் என்பேன்!
இனியென ஆகும் இவளது நிலையே
         எண்ணியே கனத்தது நெஞ்சும்!
நனித்திடும் நினைவால் நலிந்திடத் தேகம்
        நாணமும் தொலைத்தது பெண்மை!


விளம் மா விளம் மா
விளம் விளம் மா எழுசீர் விருத்தம்.
இன்னும் வாசிக்க... " ஓடியே ஒளிவதும் தகுமோ? "
 

முதல் விருது

முதல் விருது
நன்றி மதுமதி

சகோதரர் தனசேகரன் கொடுத்த தங்கப் பேனா

அன்பின் பகிர்வு

அன்பின் பகிர்வு
செய்தாலி, ராதாராணி

இரண்டாம் விருது

இரண்டாம் விருது
நன்றி தோழர் விச்சு

தங்கை எஸ்தர் சபி அன்போடு கொடுத்தது

அன்பின் பகிர்வு

அன்பின் பகிர்வு
சகோதரி எஸ்தர் சபி