Ads 468x60px

Monday, March 9, 2015

வாடி வதங்கும் பெண்ணுலகு! வளமை காணல் எந்நாளோ?

குட்டிப் பெண்ணை ஒடுக்கிடவே
               கூட்டம் சுற்றும் அவனியிலே!
சட்டிப் பானை உலகமெனச்
               சட்டம் பேசும் வழக்குண்டு!
தட்டிப் பறிக்க உரிமையினைத்
            தாரம் என்றே விலங்கிட்டு
எட்டி உதைக்கும் கொடுமையினை
           எதிர்த்து வாழ்தல் எந்நாளோ ?

அடைத்து வைத்தே பழக்கிடுவார்
         அறிவாய் உள்ள பெண்ணினத்தை!
நடையே பழகும் பிள்ளையையும்
        நயவஞ் சகரும் தொடர்ந்திடுவார்!
உடைக்குள் மறைத்த மேனியினை
      உற்று நோக்கும் கயவருக்குத்
தடையும் உண்டோ? இக்கொடுமை
      தாக்கி அழித்தல் எந்நாளோ?

அச்சம் நாணம் மடமையென
          அடிமைத் தனத்தைப் பழக்கிவிட்டே
இச்சை கொண்ட ஆண்வர்க்கம்
         இங்கே நம்மை ஏய்த்திடுவார்!
பிச்சை கேட்டே பெண்ணினமும்
          பிணியால் வாடிக் கிடக்கிறது.
எச்சில் பிழைப்பு? புவிகொண்ட
         இன்னல் ஒழித்தல் எந்நாளோ?

வற்றா நதிக்கும் பெண்பெயரே
        மானைத் துரத்தும் புலிவேடம்!
விற்கும் பொருளின் விளம்பரத்தும்
      வேடக் காட்சி பெண்ணாகும்!
மற்ற வர்க்கம் எதற்குமிந்த
       மாசு உண்டோ எண்ணுங்கள்?
பெற்று வந்த வரமிதுவோ?
       பிழைகள் அழித்தல் எந்நாளோ?

கூடிப் பறக்கும் பறவையினம்
        கொடுமை செய்யாப் பெண்ணுறவை!
நாடி வந்த இணையிடமே
        நகையும் பணமும் கேட்டிடுமோ?
தேடி வந்த துணையிடமே
         தேவை நாடும் ஆணினமே!
வாடி வதங்கும் பெண்ணுலகு
        வளமை காணல் எந்நாளோ?

எண்ணிக் களித்திங்கே ஏற்றங்கள் தந்திடுவாய்!
கண்ணுக் கினிமையைக் கார்முகிலாய் ஈந்திடுவாய்!
என்னுயிர்த் தாய்மொழியே! இன்பத்தின் ஊற்றாகி
இன்னல் தடுப்பாய் இசைந்து!
      
        
இன்னும் வாசிக்க... "வாடி வதங்கும் பெண்ணுலகு! வளமை காணல் எந்நாளோ?"
 

முதல் விருது

முதல் விருது
நன்றி மதுமதி

சகோதரர் தனசேகரன் கொடுத்த தங்கப் பேனா

அன்பின் பகிர்வு

அன்பின் பகிர்வு
செய்தாலி, ராதாராணி

இரண்டாம் விருது

இரண்டாம் விருது
நன்றி தோழர் விச்சு

தங்கை எஸ்தர் சபி அன்போடு கொடுத்தது

அன்பின் பகிர்வு

அன்பின் பகிர்வு
சகோதரி எஸ்தர் சபி