Ads 468x60px

Monday, January 12, 2015

இனிய தமிழர் திருநாள் வாழ்த்துக்கள் !

இருளினை அகற்றி எங்கும்
       எழிலினைக் கொடுத்த வள்ளல்
அருவியின் ஊற்றாய் நாளும்
       அழகுசேர் பணியைச் செய்யும்
கருணையின் வடிவாய் வந்த
        கதிரவன் புகழைப் பாட
அரும்சுவை நன்னாள் தையே
         அன்பினைப் பொங்கி வாழ்க!

பூங்கிளி கொஞ்சிப் பேசும்
         புத்தொளி எங்கும் வீசும்!
மாங்குயில் கூவிப் பாடும்
        மரத்தினில் அணில்கள் ஆடும்!
தேங்கிடா நதியின் ஓட்டம்
         தேவதை அழகை ஒக்கும்!
பாங்குடன் இன்பம் நல்கும்
        படர்புகழ்த் தைநாள் வாழ்க!


சில்லெனக் குளிரை நல்கி
        சிலிர்த்திடும் காலைக் காட்சி!
மல்லிகை மணத்தைத் தேக்கி
        வழங்கிடும் தென்றல் காற்று!
மெல்லவே பறக்கும் வண்டு
         விந்தையே பறவை கூச்சல்!
செல்லவே சுரக்கும் எண்ணம்
          சுடர்ந்திடும் தைநாள் வாழ்க!

வாசலில் வண்ணக் கோலம்
        வஞ்சியர் எண்ணம் மின்னும்!
மாசதை நீக்கும் வண்ணம்
        வளந்தரும் கதிரை வாழ்த்து!
பூசணிப் பூவும் வைத்துப்
        பொன்னெனப் பொலியும் வாயில்!
வாசமாய் மனத்தை நல்க
         வந்தொளிர் தைநாள் வாழ்க!


இளங்கதிர் கிழக்கே தோன்ற
         எங்குமே எழிலே கூடும்
களமதில் நிறைந்த நெல்லும்
         களைப்பதை நீங்க வைக்கும்!
வளமதைக் கண்ட மக்கள்
         மனங்களில் பூக்கும் இன்பம்!
உளமதில் உவகை பொங்க
         உதித்துள தைநாள் வாழ்க!
இன்னும் வாசிக்க... "இனிய தமிழர் திருநாள் வாழ்த்துக்கள் !"
 

முதல் விருது

முதல் விருது
நன்றி மதுமதி

சகோதரர் தனசேகரன் கொடுத்த தங்கப் பேனா

அன்பின் பகிர்வு

அன்பின் பகிர்வு
செய்தாலி, ராதாராணி

இரண்டாம் விருது

இரண்டாம் விருது
நன்றி தோழர் விச்சு

தங்கை எஸ்தர் சபி அன்போடு கொடுத்தது

அன்பின் பகிர்வு

அன்பின் பகிர்வு
சகோதரி எஸ்தர் சபி