Ads 468x60px

Friday, July 3, 2015

அருங்கவிக் கடலே! பொன்விழா நிறைவு !


உயிரெனத் தமிழை உளந்தனில் போற்றி
    ஒளர்ந்திடும் அருங்கவிக் கடலே!
இயம்பிடும் பாக்கள் இன்னிசை அளித்தே
    ஈந்திடும் ஈடிலா அமுதே!
அயலவர் வணங்கும் அருந்தமிழ்ப் புலவன்
    பாரதி தாசன்என் குருவே!
வயலென வளமை! வானளவு இனிமை!
    வழங்கியே என்மனம் நின்றாய்!


பொன்விழா காணும் பாரதி தாசன்
     புகழினைப் பாடுக நெஞ்சே!
பொன்னெழில் பூக்கும் புதுமணம் வீசும்!
     பொங்கிடும் கடலென இன்பம்!
தன்னுயிர்த் தமிழைத் தரணியில் பரப்ப
    தளர்விலா துழைத்திடும் ஆசான்
இன்முகம் தானே இன்றமிழ்ச் சோலை
     என்றுளம் ஏத்தியே பாடும்!

புதுவையில் பிறந்து புதுமைகள் புரிந்து
      பொன்விழா கண்டிடும் வேந்தே!
எதுகையும் மின்ன மோனையும் ஓங்க
     எழில்மிகு கவியென வாழ்க!
மதியினில் இன்ப மாண்பினைச் சூடும்
     வான்புகழ்ப் பாரதி தாசா!
நதியினில் நீந்தும் மீன்என என்றும்
     நற்றமிழ் யாப்பினில் வாழ்க!

தமிழ்வளர் நேசன் தனிப்புகழ்த் தாசன்
    தரணியில் தோன்றிய நாளே!
அமிழ்தென இனிக்கும்! அன்பினைச் சுரக்கும்
      அலகிலாப் பெருமையை ஊட்டும்!
இமையெனக் காத்தே எழிற்றமிழ் போற்றும்
     இன்கவி பாரதி தாசா!
எமக்கரும் யாப்பை இயம்பிய உன்னை
     எண்ணிடக் கவிதைகள் பூக்கும்!

பாட்டினில் தேனைப் பருகிட நல்கும்
     பாங்கினைக் கண்டுளம் சொக்கும்!
கேட்டிடும் கேள்வி கிடைத்திடும் பதில்கள்
     ஊட்டிடும் ஆற்றலை நன்றே!
பாட்டுடைத் தலைவன் பாரதி தாசன்
    பைந்தமிழ் நடையினைப் பாடு!
நாட்டினில் எங்கும் நற்றமிழ் பரப்பும்
      நற்பணி ஓங்கிடப் பாடு!

படம் உதவி நண்பர் சீராளன் நன்றி நட்பே.

11 comments:

  1. நானும் இணைந்து வாழ்த்துகிறேன்

    ReplyDelete
  2. ஐயா அவர்களுக்கு வாழ்த்துக்கள்.

    ReplyDelete
  3. பாராட்டுகளும் வாழ்த்துகளும்...

    ReplyDelete
  4. வணக்கம்
    ஐயாவுக்கு எழுதிய கவிமாலை கண்டு மகிழ்ந்தேன்.. எண்ணம் போல் வாழ்வார்.... வாழ்த்துக்கள் த.ம 4
    -நன்றி-
    -அன்புடன்-
    -ரூபன்-

    ReplyDelete
  5. ஆசானுக்களித்த வாழ்த்துக்கவி அருமை !
    பொன்விழாக் காணும் கவிஞர்க்கு என் வாழ்த்துக்கள் ...!

    தேன்தமிழில் நீவடித்தாய் தித்திக்கும் நற்பாக்கள்
    எண்ணம்போல் மின்னு மழகு !

    நன்றி !வாழ்த்துக்கள் ...!

    ReplyDelete
  6. வழக்கம்போல குருவைப் பாராட்டும் தங்களது கவிதை அருமை. நன்றி.
    புத்தரைத் தேடும் எனது பேட்டியைக் காண அழைக்கிறேன்.
    http://ponnibuddha.blogspot.com/2015/07/blog-post.html

    ReplyDelete
  7. அருமையாய் ஆசானுக்கு கவி வடித்து இருக்கிறீர்கள் சகோ நன்றி

    ReplyDelete
  8. ஐயாவிற்கு வாழ்த்துகள். உங்கள் கவி அருமை தோழி

    ReplyDelete

  9. வணக்கம்!

    எழுசீர் விருத்தத்தை ஏந்தும்என் நெஞ்சம்!
    தொழும்சீர் அழகிலுயிர் சொக்கும்! - விழுதாகத்
    தாங்குமெனை உன்பாக்கள்! தண்டமிழ் நல்லருளால்
    ஓங்குசுவை காண்பேன் உவந்து!

    கவிஞர் கி. பாரதிதாசன்
    தலைவர்: கம்பன் கழகம் பிரான்சு

    ReplyDelete
  10. வணக்கம் தோழி,
    தங்கள் பா வரிகள் அருமை,
    ஆசானுக்கு வாழ்த்துக்கள்,
    நன்றி.

    ReplyDelete

 

முதல் விருது

முதல் விருது
நன்றி மதுமதி

சகோதரர் தனசேகரன் கொடுத்த தங்கப் பேனா

அன்பின் பகிர்வு

அன்பின் பகிர்வு
செய்தாலி, ராதாராணி

இரண்டாம் விருது

இரண்டாம் விருது
நன்றி தோழர் விச்சு

தங்கை எஸ்தர் சபி அன்போடு கொடுத்தது

அன்பின் பகிர்வு

அன்பின் பகிர்வு
சகோதரி எஸ்தர் சபி