Ads 468x60px

Saturday, August 3, 2013

மகிழ்வான தருணங்கள் ! (தொடர் பதிவு)

என் அருமை அக்கா (ராஜீ) முதலில் தொடர்பதிவெழுதும் போது மறந்துட்டாங்க போல நான் சும்மா இருக்காம நான் தப்பிச்சேன் தப்பிச்சேனு சொல்லிட்டு வந்தேன். இப்ப நல்லா மாட்டிவிட்டுட்டாங்க... என்ன செய்ய ...?

அலுவலக நேரத்தில் சக ஊழியர்கள் பேஸ் புக் என்று ஏதோ அரட்டை அடிப்பதை பார்த்திருக்கிறேன். சில முறை அங்கு ஒரு செய்தித்தாள் போல எல்லா நிகழ்வுகளும் உடனுக்குடன் தெரிந்து விடுவதை பார்த்தேன். பிறகே நண்பர்கள் சொன்னார்கள் நம் உடன் படித்த பள்ளி நண்பர்களையும் இதன் மூலமாக தேடலாம் என்று. 

எனக்கு எங்க ஊரில் இருந்து வந்ததில் இருந்தே ஒரு ஏக்கம் இருந்து வந்தது. மறுபடி உடன் படித்த நண்பர்களையும் அக்கம் பக்கத்து வீட்டில் இருந்த தோழிகளையும் மறுபடி எப்போது காண்போம் என்று. யோசித்தேன் நாமும் இப்படி ஒரு பகுதி ஆரம்பித்து நமது நண்பர்களை தேடலாம் என்று முடிவு செய்தேன்.  அதன் வழிமுறைகளையும் கேட்டு முதலில் பேஸ் புக் மூலமாகவே கவிதைக்கு நான் அறிமுகமானனேன். 

முதன் முதலாக எனது கவிதை அழகான வரிகளுக்கு ஏற்ப படங்களுடன் தமிழ்த்தாயகம் என்ற குழுவில் இருக்கும் அனைத்து நண்பர்களுக்கும் சென்றது. அதுவே எனக்கு முதலில் கிடைத்த முதல் பதிவின் மகிழ்ச்சி அந்த மகிழ்ச்சிக்கு அளவே இல்லை. அக்காவிடம்  மெயில் அனுப்பி பார்க்க சொன்னேன். சக நண்பர்களின் பாராட்டுக்கு அளவேயில்லை.  கிராமத்து நினைவு என்ற தலைப்பில் வெளியான அந்த கவிதையை இங்கே பகிர்ந்துகொள்கிறேன்.

மாமரத்து குயில் ஓசை 
மஞ்சு விரட்டிய மைதானம் 
மலர் தேடும் வண்டு

ஊஞ்சல் ஆடி விழுந்த ஆலமரத்தடி ..
ஒரே ஒரு முறை ஊருக்குள் வந்து 
போகும் ஒற்றை பேருந்து 


குளிக்க பயந்து 
குதித்தோடிய 
குட்டித் திண்ணை 


திருவிழாக் கூட்டத்தில்  
தொலைத்த  பகைமை 


தினம் தினம் 
நீச்சல் 
பழகிய ஆழ்கிணறு 


ஆற்றங்கரையில் ஆக்கிய 

கூட்டாஞ்சோறு 
ஆயாவின் சுருக்குப்பை 
இப்படி எதுவும் இந்த பட்டினத்தில்  இல்லை 
உன்னிடம் சுட்டிகாட்டி மகிழ...

மகிழ்வுடன் 
சசிகலா


நான் எதிர்பார்த்த நண்பர்களை தேட முடியவில்லை என்றாலும். புதிய நண்பர்கள் சிலர் அல்ல பலர் கிடைத்தனர். பிறகு ஒரு நாள் கவிதைகளை தேடித்தேடி படித்துக்கொண்டிருந்த போது .. வசந்த மண்டபம் மகேந்திரன் அண்ணா அவர்களின் வலை என்று தெரியாமலே அவர் வரிகளை படித்து நாமும் இப்படி பதிவிட என்ன வழிமுறை இருக்கும் என்று அறியும் ஆவலுடன் அங்கு தொடர்புக்கு என்ற பக்கத்தில் இருந்த அண்ணாவின் மெயில் ஐடிக்கு மெயில் அனுப்பினேன். 

உடனே பதில் மெயிலும் அலைபேசி எண்ணும் தந்து உதவி செய்வதாக சொன்னாங்க. என்ன பெயர் தங்கள் தளத்திற்கு என்று கேட்டதும் எனக்கு என்ன சொல்வது என்று தெரியிவல்லை. சட்டென தென்றலாய் நம் வரிகள் படிப்பவர்களை சென்றடையட்டும் என்றே தென்றல் எனும் பெயரை சொன்னேன். அப்படியே தென்றல் தளத்தை ஆரம்பித்தும் கொடுத்தாங்க.  அண்ணாவிற்கு நன்றி சொல்ல வார்த்தைகள் இல்லை.

மகேந்திரன் அண்ணாவின் வலை மூலமே நிறைய நண்பர்களின் வலை பக்கங்களுக்கு சென்று படித்து கருத்தும் சொல்லி வ்ந்தேன். எனக்கு முதலில் பின்னூட்டமிட்டு வாழ்த்தியது அண்ணா பிறகு ரமணி ஐயா அந்த பின்னூட்டங்கள் தான் எனை தொடர்ந்து எழுத வைத்தன. ரமணி ஐயாவிற்கு எனது மனமார்ந்த நன்றியை தெரிவித்துக்கொள்கிறேன.

முதன் முதலில் எனை வலைச்சரத்தில் அறிமுகப்படுத்திய மதுமதி அவர்களுக்கும் நன்றி சொல்ல வார்த்தைகள் இல்லை. வலைச்சரம் என்றால் என்ன என்றே தெரியாத எனக்கு விளக்கங்கள் சொல்லி பதிவிடுவது பற்றிய நிறைய தகவல்கள் சொன்னதோடு மட்டுமல்லாமல் தளத்தை புதுப்பிக்கவும் செய்தார். வலைச்சரம் என்பது நாம் பின்னூட்டம் மிட்டு படித்து வரும் வாசகி என்றே நினைத்திருந்த எனையும் சகோதரர் கணேஷ் சீனு ஐயாவிடம் பேசி ஒரு வார ஆசிரியராக பதிவுகள் பகிரச் செய்த சகோவிற்கு எனது மனமார்ந்த நன்றியை தெரிவித்துக்கொள்கிறேன். இப்படியே நான் நன்றி சொல்ல ஆரம்பித்தால் முடிவே இருக்காது.... என்பதால் தொடர்ந்து தென்றல் தளத்திற்கு வருகை தந்து எனை உற்சாகப்படுத்தும் அனைத்து உறவுகளுக்கும் தோழமைகளுக்கும் எனது மனமார்ந்த நன்றியை தெரிவித்து முதல் பதிவின் சந்தோஷத்தை பகிர நானும் நண்பர்களை அழைக்கிறேன்.


இன்னும் வாசிக்க... "மகிழ்வான தருணங்கள் ! (தொடர் பதிவு)"
 

முதல் விருது

முதல் விருது
நன்றி மதுமதி

சகோதரர் தனசேகரன் கொடுத்த தங்கப் பேனா

அன்பின் பகிர்வு

அன்பின் பகிர்வு
செய்தாலி, ராதாராணி

இரண்டாம் விருது

இரண்டாம் விருது
நன்றி தோழர் விச்சு

தங்கை எஸ்தர் சபி அன்போடு கொடுத்தது

அன்பின் பகிர்வு

அன்பின் பகிர்வு
சகோதரி எஸ்தர் சபி