Ads 468x60px

Friday, January 11, 2013

இனிய பொங்கல் வாழ்த்துக்கள் !



தை முதல் நாள்
வெள்ளி முளைச்சிருக்கு
விடியலுந்தான் காத்திருக்கு
மாட்டுச்சாணம் தெளித்துவிட்டு
மனம் போல கோலமிட்டு
மன்னவனாம் சூரியனுக்கு 
வணக்கம் சொல்லி...
நீர் குடித்த கரும்பெடுத்து
நிலத்தினிலே ஊன்றி வச்சி
புதுப்பானை கழுத்தினிலே
புது மஞ்சள் சிரித்திருக்க..
புத்தாடை தனையுடுத்தி
நிலமகளை உழுதவர் தம் பாதம் பணிந்து
தை மகளை...
பொங்கலிட்டு வரவேற்று...

அடுத்த நாள்..

ஆடு மாடு குளிக்கவச்சி
அடுப்பங்கரை மொழுகிவச்சி
ஆட்டுக்கல்லில் அரைச்செடுத்த
அரசிமாவு இட்லியாக...
கொழவிக்கல்லும் குளித்தெழவே -நானும்
கொத்தமல்லி அரைச்செழவே.

பட்டு வேட்டி தரை தழுவ
பளபளனு மனம் நழுவ
தலை வாழை இலை போட்டு
தாளிக்க கடுகுமிட்டு...
மாமரத்து நிழலிருக்க - அருகே
மச்சானோட மனசிருக்க
பரிமாற பக்கம் போக-அவன்
பார்வை பட்டே அல்லி பூத்ததென்ன.

அரை நாளு போச்சிதடி சீக்கிரம்
அரைச்சி வாடி அம்மியில் மசாலாப்பொடி
மச்சானே மணக்குதிங்கே மீன் குழம்பு
மதிய விருந்துக்கு நடுவே ஏன் வம்பு
பறந்தோடும் கோழியப்பிடி
பக்குவமா உதவும் நானெப்படி
ஜாதி மல்லி கோத்து வரேன்
ஜல்லிக்கட்டு பார்க்கப் போவோம்.
கண்டு வந்த காட்சியெலாம் 
கதை கதையா பேசி மகிழ்ந்து
உறவெலாம் ஒன்று கூடி
ஒருவர்க்கொருவர் அளாவி மகிழ்ந்து
அவரவர் இல்லம் சேர்வோம்.
 உறவுகள் அனைவருக்கும் தமிழ் புத்தாண்டு மற்றும் பொங்கல் நல்வாழ்த்துக்கள். 


இன்னும் வாசிக்க... "இனிய பொங்கல் வாழ்த்துக்கள் !"
 

முதல் விருது

முதல் விருது
நன்றி மதுமதி

சகோதரர் தனசேகரன் கொடுத்த தங்கப் பேனா

அன்பின் பகிர்வு

அன்பின் பகிர்வு
செய்தாலி, ராதாராணி

இரண்டாம் விருது

இரண்டாம் விருது
நன்றி தோழர் விச்சு

தங்கை எஸ்தர் சபி அன்போடு கொடுத்தது

அன்பின் பகிர்வு

அன்பின் பகிர்வு
சகோதரி எஸ்தர் சபி