Ads 468x60px

Thursday, January 3, 2013

சட்டத்தால் பயனில்லை !



 முன்னுரை மொட்டாக மகவாக
முகவுரை குமரியாக மலராக
பதிவுரை தாரமாக தாயாக
முடிவுரை உதிர் இலையாய்.

பெண்ணென்றால் கண்ணென்று
பேசுகின்ற சமுதாயம்
கள்ளிப்பாலுக்கு தப்பிய இனம்
காமப் பார்வையில் தப்ப இயலாது
கொல்கின்ற அவலங்கள்.

குலமகள் என்றுரைப்பார்
லட்சுமி என்றழைப்பார்
வார்த்தையில் வாழும் நேசம்
வாழ்க்கையில் பொய்யுரையாய் .

மான் மயில் போலென்பார்
குடும்பத்தலைவி என்பார்
குலவிளக்காய் பாடிடுவார்
கிடைக்கும் வரை தேடிடுவார்
கிடைத்தால் அடிமைகளாய்.

தூண்டில் மீன்வாழ்வெதற்கு ?
துவண்டு போகும் நினைவோடு
துடித்து வாழும் நிலையெதற்கு ?
வேலை செய்யும் அடிமைகளாய்
வேஷங்கள் போட்டெதற்கு ?

தன்னையும் கொடுத்திங்கே
தண்டனையும் அடைந்தாலும்
தரணியில் பெண் என்றும்
சுக போகப் பொருளாக.
பிள்ளை பெரும் இயந்திரமாய்
இணையாய் நினைப்பாரில்லை.

ஆற்றுவார் யாருமில்லை
அணைத்து தேற்றுவார் காணவில்லை
போற்றுவார் தேடியோடு முன்
சாற்றுவார் தெரு நாய்ப்பட்டம்
மனித குலம் மாறாதா ?
மன எண்ணம் மாறாமல்
சட்டத்தால் பயனில்லை.
இன்னும் வாசிக்க... "சட்டத்தால் பயனில்லை !"
 

முதல் விருது

முதல் விருது
நன்றி மதுமதி

சகோதரர் தனசேகரன் கொடுத்த தங்கப் பேனா

அன்பின் பகிர்வு

அன்பின் பகிர்வு
செய்தாலி, ராதாராணி

இரண்டாம் விருது

இரண்டாம் விருது
நன்றி தோழர் விச்சு

தங்கை எஸ்தர் சபி அன்போடு கொடுத்தது

அன்பின் பகிர்வு

அன்பின் பகிர்வு
சகோதரி எஸ்தர் சபி